зваротная сувязь

Калі вы заўважылі недакладнасць, ці маеце пытанне - лістуйце:

Імя

Калі ласка, прадстаўцеся

Як з вамі звязацца?

Увядзіце карэктны email

Пытанне

Пра што вы хацелі даведацца?

Я згодзен/на з Палітыкай апрацоўкі персанальных дадзеных

Адпраўлена!

Памылка!

Касцёл Яна Хрысцiцеля. Дэкаратыўнае аздабленне iнтэр'ера касцёла: роспiсы скляпенняў; алтары; арган; хоры

Цiкавае

Змест

Звесткі аб каштоўнасці

Шыфр

210Г000593

Катэгорыя каштоўнасці

сусветны спіс спадчыны

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Пастаўскі раён, аг. Камаі, с/с Камайскі, вул. Гагарына, 1

Датаванне

1603 - 1606 гг.

Стыль

Барока, готыка, рэнесанс

Апісанне

Касцёл Яна Хрысцiцеля знаходзіцца ў цэнтры в. Камаі. Пабудаваны з цэглы ў 1603-1606 гг. па фундацыі Яна Рудаміны-Дусяцкага. Касцёл абарончага тыпу з адметнымі рысамі мясцовага рэнесансу.

Будынак касцёла двухзальны, з вялікай апсідай і сакрысціяй. Асноўная зала і капліца, якая прымыкае з паўднёвага боку, прамавугольныя ў плане, апсіда - паўцыркульная. Дахі асноўнага аб'ёму і капліцы двухсхільныя, над апсідай скруглены. Фасады касцёла вырашаны лаканічна. Галоўны фасад асноўнага аб'ёму завершаны двухсхільным шчытом, раскрапаваным плоскімі нішамі з арачнымі завяршэннямі. У дзвюх сярэдніх нішах прарэзаны паўцыркульныя люкарны. У цэнтры галоўнага фасада ў глыбокай арачнай нішы размешчаны дзвярны праём спічастага абрысу.

За гісторыю існавання касцёл неаднаразова рамантаваўся і перабудоўваўся. Буйныя рамонтныя работы праводзіліся ў 1726-1736 гг. Даследчыкі мяркуюць, што ў гэты час скляпенні ў алтарнай частцы былі распісаны ў тэхніцы грызайль. У 1739 г. былі перабудаваны мураваныя хоры. У 1778 г. на сродкі Войнаў і Козелаў да паўднёвай бакавой сцяны касцёла прыбудавана вялікая капліца Апекі Найсвяцейшай Панны і святога Юзафа са склепам-крыптай. Рамонтныя работы праводзіліся і ў 1861 г. Нягледзячы на перабудовы і дабудовы, галоўны фасад касцёла захаваў суровы аскетычны выгляд з шырокім сціплым шчытом, аздобленым плоскімі нішамі, і масіўнымі круглымі вежамі з байніцамі.

Вядома, што з 1643 г. пры касцёле існаваў шпіталь на 5 мужчын і 13 жанчын. У 2007 г. касцёл атрымаў пашкоджанні пад час урагану, на паўднёва-заходняй вежы і капліцы сарвала пакрыццё даху. У 2010 - 2011 г. храм быў на рэстаўрацыі. На сённяшні дзень касцёл дзейнічае.