Касцёл Найсвяцейшай Тройцы

В. Данюшава ўпершыню згадваецца ў 1443 г. З 17 ст. вядома як маёнтак. У 1752 г. была ўласнасцю Міхайлы Кошчыка. З 1886 г. згадваецца як мястэчка ў Свянцянскім павеце Віленскай губерні. У пачатку 20 ст. належыла Чарноўскай.Драўляны касцёл пабудаваны ў 1809 г. на заходняй ускраіне вёскі на месцы храма 1621 г., заснаванага Янам Кішкам. У савецкі час касцёл быў зачынены, у канцы 1980-х гг. вернуты вернікам. Найбольш рання вядомая выява касцёла прадстаўлена на фотаздымку 1917 г.