зваротная сувязь
Калі вы заўважылі недакладнасць, ці маеце пытанне - лістуйце:
Касцёл Сэрца Ісуса
Шыфр
113Г000361
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1934 г.
Стыль
Мадэрн
Апісанне
Касцёл Сэрца Ісуса — мураваны каталіцкі храм у аг. Пелішча Камянецкага раёна Брэсцкай вобласці. Помнік архітэктуры стылю мадэрн. На тэрыторыі Беларусі на сённяшні дзень існуе ўсяго тры касцёлы ў стылі мадэрн: Касцёл Сэрца Ісуса ў в. Пелішча Камянецкага раёна Брэсцкай вобласці (1934 г.), Касцёл Маці Божай Ружанцовай у в. Солы Смаргонскага раёна Гродзенскай вобласці (1930-я) i Касцёл Маці Божай Шкаплера ў в. Ідолта Міёрскага раёна Віцебскай вобласці (1937-1939 гг).
Пабудаваны ў 1934 годзе з цэглы. Уяўляе сабой ярусную прасторавую кампазіцыю, якая складаецца з трох розных па маштабу аб’ёмаў. Да прамавугольнага, выцягнутага ў плане асноўнага аб’ёму далучаецца высокая, квадратная ў плане вежа-званіца, а з процілеглага боку - невялікая прамавугольная апсіда з дзвюма сакрысцямі па баках. Аднаярусная вежа-званіца ўтварае галоўны фасад храма.
У інтэр’еры храма зала мае скляпеністае перакрыцце на падпружных арках. Першапачатковая дэкаратыўная аздоба інтэр’ера не захавалася. Захаваліся барочныя драўляныя скульптуры двух дыяканаў, якія былі перанесены ў Пелішча са згарэлага Камянецкага касцёла. Зараз яны займаюць месца ў алтары. Асаблівым з’яўляецца і падмурак касцёла, 80% якога зроблены з расколатага валуна.
Сартаваць па