Касцёл св. Георгія
Касцёл св. Георгія
Змест
Звесткі аб каштоўнасці
Шыфр
412Г000041
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
сярэдзіна XVIII ст.
Стыль
Барока
Апісанне
Вёска Варона Астравецкага раёна вядома па пісьмовых крыніцах з XVI ст.
Першы храм у Вароне быў пабудаваны ў канцы XVI ці XVII ст. Пра месца яго знаходжання звестак не захавалася.
Сучасны касцёл пабудаваны з цэглы на паўночнай ускраіне вёскі ў сярэдзіна ХVIII ст. З'яўляецца помнікам архітэктуры барока. Касцёл прамавугольны ў плане, аднанефавы, накрыты высокім двухсхільным дахам. Галоўны фасад фланкіраваны пілястрамі, завершаны двух'ярусным атыкавым франтонам. Масіўны прамавугольны атык расчлянёны пілястрамі і завершаны прафіляваным карнізам і фрызам, над якім узвышаецца спрошчана трактаваны фігурны франтон з крыжам. Фасад члянёны лучковым праёмам увахода, круглым аконным праёмам хораў. Тыльны фасад з прыбудаванай сакрысціяй архітэктурна не апрацаваны. Выключэнне складаюць дзве ўсечаныя пілястры на тымпане трохвугольнага франтона.
Інтэр'ер касцёла перакрыты плоскай драўлянай столлю. У алтарнай сцяне зроблена невялікая трапецападобная ў плане ніша. Над уваходам зроблены хоры з агароджай.
Храм быў часткова зруйнаваны ў 1943 г., пасля адбудаваны ў 2002 г.
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён