Касцёл св. Юзафа

Касцёл Святога Юзафа адзін ca старэйшых існуючых храмаў на Браслаўшчыне. Узведзен у 1836 г. на сродкі быўшага ротмістра войск Вялікага княства Літоўскага, мясцовага землеўладальніка Юзафа Лапацінскага. Існуе паданне аб гісторыі пабудовы. Некалі даўно ўладальнік маёнтка Рафалова Лапацінскі паехаў у госці да свайго знаёмага памешчыка пад Відзы. Вечарам селі гуляць у карты. Лапацінскаму ў тэты вечар не шанцавала, і неўзабаве ён хутка прайграў усю сваю маёмасць. У апошні момант Лапацінскі ўспомніў аб маленькай вёсачцы Барадзінічы і паставіў на яе. Першы раз за вечар ён выіграў, потым адыграўся, нават аказаўся ў выйграшы. Нібыта ў той вечар Лапацінскі пакляўся пабудаваць у Барадзінічах касцёл.

Архітэктура храма не мае выяўленай мастацка-стылевай афарбоўкі. Будынак прамавугольны ў плане, з паўцыркальнай апсідай, пакрыты двухсхільным дахам. Галоўны фасад завершаны шчытом. На вільчыку даха бліжэй да фасада маецца трох’ярусная васьмігранная вежачка.