зваротная сувязь
Калі вы заўважылі недакладнасць, ці маеце пытанне - лістуйце:
Касцёл св.Троіцы (Святога Роха) на Залатой Горцы
Шыфр
712Г000193
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1861–1864 гады
Апісанне
Троіцкі касцёл на Залатой Горцы быў пабудаваны ў 1861-1864 гг. як парафіяльны. Першапачаткова на Залатагорскіх могілках існавала драўляная капліца, па некаторых пісьмовых крыніцах адноўленая ці пабудаваная ў 1797 г. Пасля таго, як у 1840 г. Троіцкі прыход у Мінску застаўся без парафіяльнага касцёла, у капліцу было перанесена набажэнства. У 1842 г. капліца была адрамантавана і перароблена ў касцёл. Аднак, ужо ў 1850 г. было прызнана, што немэтазгодна падтрымліваць рамонтамі драўляны касцёл, лепш пабудаваць новы мураваны. Будаўніцтва касцёла было завершана ў канцы кастрычніка 1864 г. 1 лістапада 1864 г. касцёл без асаблівых урачыстасцяў быў асвячоны пад назвай Успення Прысвятой Дзевы Марыі і св. Роха. Трэба адзначыць, што будаўніцтва касцёла вялося на добраахвотныя ахвяраванні парафіян (Сямёна Леановіча, Ігнація Лясковіча, Антаніны Камінскай і інш.). Залатагорскі касцёл быў невялікі, разлічаны на 500 чалавек, меў даўжыню 6 1/2 саж. (саж. = 2,13 м), шырыню 4 1/2 саж. З дакументальных крыніц вядома, што ў 1900-1901 гг. у Залатагорскім касцёле быў устаноўлены паўстажковы арган на дзве клавіятуры з педалямі на 18 галасоў і 7 рэгістраў. У сутарэнні касцёла знаходзіліся "катакомбы", у якіх пахаваны фундатары касцёла. Касцёл быў абнесены драўлянай агароджай з мураванай трохпралётнай брамай, пабудаванай у адным стылі з касцёлам. У 20-я гады 20 ст. Троіцкі касцёл Св. Роха быў зачынены. У час Вялікай Айчыннай вайны будынак касцёла атрымаў пашкоджанні (згарэў дах). Пасля вайны прыстасаваны пад кнігасховішча Нацыянальнай Бібліятэкі Беларусі. У 1976 г. у Спецыяльных праектна-рэстаўрацыйных майстэрнях МК БССР пачаліся праектыя работы па рэстаўрацыі Залатагорскага касцёла з прыстасаваннем пад залу камернай музыкі Белдзяржфілармоніі (аўтар праекта А.І. Малахоўскі). Касцёл быў адрэстаўрыраваны ў 1983 г. У цэнтры алтара ўстаноўлены арган.
Сартаваць па