Касцёл св. Варвары з агароджай і брамай

Будынак касцёла св. Варвары знаходзіцца ў Правабярэжным гістарычным раёне горада Віцебска па вул. Ленінградская, 27. Пабудаваны ў 1785 г. з цэглы як храм на каталіцкіх могілках на сродкі маршалка Антонія Косава. Па прычыне значнага павелічэння прыхаджан, было прынята рашэнее аб будаўніцтве новага касцёла большай ёмістасці. Таму ў 1885 г. касцёл перабудаваны ў двухвежавую базіліку ў неараманскім стылі па праекце iнжынера і архітэктара В. І. Пiятроўскага. Касцёл дзейнічаў да 1922 г. Быў пашкоджаны ў Вялікую Айчынную вайну. У 1990 г. адрэстаўрыраваны.

Будынак уяўляе сабою адзін з нешматлікіх захаваных узораў культавай архітэктуры ў стылі неарамантызму.