Касцёл Святога Антонія

Асноўны прамавугольны ў плане аб'ём накрыты двухсхільным дахам. Цэнтральны неф пераходзіць у пяцігранную апсіду, па баках якой невялікія гранёныя сакрысціі. Двух'ярусная вежа на галоўным фасадзе завершана стромкім шатром з люкарнамі. Галоўны ўваход аформлены парталам, над якім размешчана акно-ружа, дзверы аздоблены мастацкай коўкай. Астатнія фасады рытмічна расчлянёны ступеньчатымі контрфорсамі. Аконныя праёмы стральчатыя. У інтэр'еры асноўны аб'ём падзелены на 3 нефы, перакрытыя крыжовымі скляпеннямі. Над уваходам хоры з арганам.Сцены і скляпенні атынкаваныя , пабелены, астатнія канструкцыйныя элементы вылучаны чырвоным колерам.