Касцёл Святога Апостала Тадэвуша

Касцёл Святога Апостала Тадэвуша знаходзіцца ў заходняй частцы аграгарадка Вішнева. Закладзены ў 1811 годзе з цэглы Брыгітай Сулістроўскай. Храм вырашаны суцэльным выцягнутым прамавугольным аб'ёмам пад 2-схільным бляшаным дахам. Галаўны фасад – дарычны 4-калонны порцік з 3-вуголным франтонам. Плоскасныя фасады лаканічна расчлянёныя прамавугольнымі аконнымі праёмамі і лапаткамі ў прасценках. Над алтарнай часткай ў 1866 г. была надбудавана вежа з шатровым пакрыццём. 

У інтэр'еры бакавыя сакрысціі вылучаюць алтарную частку, вышэйшую за залу, якая аддзяляецца 2 паўкалонамі дарычнага ордэна. Яна асвятляецца 3 вокнамі і паўцыркульнай люкарнай над 4-калонным алтаром.  Пры ўваходзе на 4 калонах размешчаны хоры на шырыню залы, на якія вядзе вітая лесвіца.