Касцёл Святой Тройцы
Касцёл Святой Тройцы
Змест
Звесткі аб каштоўнасці
Шыфр
213Г000566
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1593 г.
Стыль
Народнае дойлідства
Апісанне
Касцёл у Новым Пагосце з'яўляецца самым старажытным помнікам архітэктуры Міёршчыны. Драўляны на мураваным падмурку прамавугольны ў плане будынак, да якога прымыкае трохгранная апсіда з дзвюма бакавымі сакрысціямі. Асноўны аб'ём касцёла накрыты двухсхільным дахам, апсіда с сакрысціямі - вальмавым. Сцены ашаляваны, прарэзаны арачнымі аконнымі праёмамі. Вуглы будынка аформлены накладнымі дошкамі-лапаткамі.
Першы касцёл у Новым Пагосце быў пабудаваны па фундацыі канцлера Вялікага княства Літоўскага Льва Сапегі ў 1593 г., аднак праіснаваў нядоўга. Пад час руска-польскай вайны быў спалены ў 1654 г. Праз два гады быў адбудаваны і прастаяў больш за 100 год. У 1766 г. на яго месцы быў узведзены драўляны двухвежавы касцёл, які з пэўнымі стратамі захаваўся да нашага часу.
Касцёл меў тры алтары: галоўны - Святой Троіцы, бакавыя - Святога Антонія і Маці Божай Смуткуючай. Побач з касцёлам стаяла званіца з 2 званамі.
Паводле пісьмовых крыніц, у 1845 г. касцёл знаходзіўся ў аварыйным стане і патрабаваў значнага рамонту. Быў капітальна адрамантаваны ў 1859 г.
Касцёл дзейнічаў да 1950-х гг. Пасля закрыцця яго прыстасавалі пад склад, пры гэтым разабралі вежы. У 1990 г. касцёл быў адрамантаваны на сродкі вернікаў і 15 мая 1990 г. асвячоны. З гэтага часу зноў дзейнічае.
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён