зваротная сувязь
Калі вы заўважылі недакладнасць, ці маеце пытанне - лістуйце:
Касцёл Узвіжання Святога крыжа. Дэкаратыўнае аздабленне інтэр'ера касцёла Узвіжання Святога крыжа: 3 алтары і амбон, арнаментальная лепка, роспісы скляпенняў і сцен
Шыфр
412Г000335
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1765 - 1770 гг.
Апісанне
Прыходскі Крыжаўзвіжанскі касцёл пабудаваны ў 1765-1770 гг. па праекту віленскага архітэктара Іагана Хрыстафора Глаўбіца, аўтара шматлікіх архітэктурных пабудоў, як на тэрыторыі Беларусі так і ў Літве. Праект Лідскага касцёла – яго апошняя работа. Ініцыятавалі будаўніцтва касцёла біскупы Тамаш і Міхаіл Зянковічы.
Касцёл трохнефавы, з прамавугольнай алтарнай часткай, якая прадаўжае цэнтральны неф, і 2 квадратнымі ў плане нізкімі сакрысціямі. Будынак завершаны высокім двухсхільным чарапічным дахам з вальмамі над алтарнай часткай. Кампазіцыя галоўнага фасада двух'ярусная, завершана трохвугольным франтонам з выявай Усебачнага вока. Плоскасці галоўнага і бакавых фасадаў расчлянёны пілястрамі і арачнымі аконнымі праёмамі ў простых ліштвах.
Перад уваходам у касцёл былі шырокія барачныя вароты з дзвюма брамамі. У касцёльнай агароджы з паўднёвага боку былі невялікія могілкі. У паўночнай частцы – званіца і сад.
За ўсю гісторыю свайго існавання храм амаль не змяніў свой воблік – знікла толькі вежа з крыжам і невялікая званіца.
Сартаваць па