Каталіцкія могілкі

Помнік гісторыі. Заснаваны ў пачатку XIX стагоддзя.

Каталіцкія могілкі, званыя «польскімі могілкамі», размешчаны ў паўночна-заходняй частцы горада, па вуліцы Лазарэнкі, каля 1 км на поўнач ад цэнтра горада і каталіцкага касцёла Святога Станіслава (Унебаўзяцця Найсвяцейшай Дзевы Марыі). Могілкі займаюць плошчу каля 2,5 гектараў і  акружаны гарадскімі забудовамі і мясцовымі вулачкамі.

Каталіцкія могілкі размешчаны на невялікім узвышшы, у форме няправільнага шматкутніка, абнесены мураванай агароджай (слупы агароджы канца ХІХ – пачатку ХХ стагоддзя), якая ўяўляе амаль глухую сцяну і складаецца з падвоеных праёмаў. Праёмы чаргуюцца з чатырохграннымі мураванымі слупамі. Паміж слупоў, пасярэдзіне аднаго з бакоў, размешчаны каваныя вароты. З правага боку ў варотах зроблены веснічкі. Вароты аздоблены геаметрычным, у выглядзе рысак, узорам па ўсім полі. У верхнім полі – нескладаны раслінны ўзор.

Найстарэйшае пахаванне, якое захавалася на могілках, датуецца 1810 годам (французская пліта генерала Экеспарэ). Паводле перапісу 1997 года, на могілках налічваецца каля 250 старажытных пахаванняў. Эпітафіі на некаторых з іх напісаны на старай польскай мове, якой не карыстаюцца ўжо больш за 200 гадоў.

На тэрыторыі могілак, акрамя пахаванай польскай шляхты, спачываюць Героі Савецкага Саюза (М.Ф. Рабчэўскі, А.А. Мельнікаў), савецкія воіны і партызаны (І.Я. Казакоў, Л.К. Чарнічэнка, М.А. Чуліцкі, Р.К. Паўлаў, Г.І. Дудзіна (Мішына) і інш.), вядомыя дзеячы айчыннай культуры, вядомыя беларускія літаратары (А.В. Пысін, В.І. Матэвушаў).