Адпраўлена!

Памылка!

Казьмадзям'янаўская царква

Цiкавае

Змест

Звесткі аб каштоўнасці

Шыфр

513Г000408

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Магілёўская вобласць, Глускі раён, в. Гарадок, с/с Завалочыцкі

Датаванне

1814 г.

Апісанне

Царква складаецца з асноўнага прамавугольнага ў плане аб'ёму, пяцiграннай апсiды, трох'яруснай званiцы i бабiнца. Званiца завершана паўсфiрычным купалам. Над асноўным аб'ёмам - васьмiгранны купал на гранёным светлавым барабане. Фасады прарэзаны высокімі прамавугольнымі аконнымі праёмамі ў плоскіх ліштвах. Галоўны ўваход вырашаны 4-слуповым ганкам. У глыбіні развітай унутранай прасторы пануе падкупральная прастора сяродкрыжжа, перакрытая 8-гранным шатром, абапёртым на ветразі і 8 слупоў. У дэкоры iнтэр'ера выкарыстана разьба па дрэве. Помнiк народнага дойлiдства са стылiзаванымi элементамi класiцызму.

Казьмадзям’янаўская царква з’яўляецца помнікам архітэктуры і адзначана ў “Зборы помнікаў гісторыі і культуры Беларусь Магілёўская вобласць 1986 г.” пад нумарам 776. Згодна Пастанове Савета Міністраў Беларусскай ССР ад 18.02.1988 г. № 32 Казьмадзям’янаўская царква ўзята пад ахову. Рашэннем Беларускай рэспубліканскай навукова-метадычнай рады па пытаннях гісторыка-культурнай спадчыны 20.11.2002 г. № 78 уключана ў Дзяржаўны спіс гісторыка-культурных каштоўнасцей Рэспублікі Беларусь.