Комплекс аб’ектаў, звязаных з імем І.П. Сікоры: дом

Будынак, у якім знаходзіцца асноўная частка эскпазіцыі музея, пабудаваны непасрэдна І.П. Сікорам у 1924 годзе.

Сцены хаты паклеены шпалерамі, падлога пафарбавана у карычневы колер. Столь з абразных дошак, не фарбаваная. Жылыя пакоі  маюць такі ж выгляд, якімі яны  былі пры жыцці Івана Паўлавіча Сікоры (апроч новых шпалераў на сценах).  Тут захаваліся мэбля і частка бібліятэкі садавода.

Шматлікія экспанаты музея  расказваюць пра насычанае і цікавае жыццё Івана Паўлавіча, пра тое, як ён, просты хлопец са шматдзетнай сялянскай сям’і, толькі дзякуючы сумленнай працы праславіў сваё імя і бацькоўскі край. 

У правай частцы дома размяшчаюцца памяшканні для гаспадарчага начыння і захоўвання ўраджаю.

На тэрыторыі музея знаходзіцца сад.