Комплекс археалагічных помнікаў: стаянка

Стаянка каля в. Баравая - гэта археалагічны помнік матэрыяльнай культуры, пакінуты насельніцтвам каменнага і жалезнага вякоў, ранняга сярэднявечча.

Абавязковым элементам, які падлягае захаванню, з’яўляецца культурны пласт стаянкі. Культурным пластом у археалогіі называюць пласт зямлі, які змяшчае рэшткі жыццядзейнасці старажытных людзей. 

Помнік мае вельмі важнае значэнне для вывучэння першабытнай гісторыі Бабруйскага раёна, таму што раскопкі стаянак і селішчаў даюць вельмі каштоўную гістарычную інфармацыю аб жыцці насельніцтва ў каменным веку, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення плямёнаў каменнага веку.