Шыфр
712Г000216
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Месца знаходжання
Датаванне
1928–1931 гады
Апісанне
Комплекс універсітэцкага гарадка размешчаны ў квартале паміж плошчамі Прывакзальнай і Незалежнасці. Пачаў фарміравацца ў 1920-я гг. Простай і выразнай планіровачнай схеме трохпавярховых карпусоў адпавядала лаканічная па форме архітэктура фасадаў. Захаваўся рэканструяваны ў пасляваенны час корпус геаграфічнага факультэта, другі корпус знесены ў 2003 г. У пасляваенны час комплекс універсітэцкага гарадка дапоўнены будынкам галоўнага корпуса. Галоўны вучэбны корпус універсітэта -- манументальны 6-8-павярховы складанай аб'ёмна-прасторавай кампазіцыі будынак. Складаецца з асноўнага аб'ёму, дваровага крыла і крыла, выцягнутага ўздоўж віадука. Фасады патынкаваныя. Асноўны аб'ём арыентаваны галоўным фасадам на пл. Незалежнасці. Будынак галоўнага корпуса ўніверсітэта арганічна ўвайшоў у агульны ансамбль галоўнай плошчы Мінска.