Адпраўлена!

Памылка!

Комплекс будынкаў па вул. Мінскай

Цiкавае

Змест

Звесткі аб каштоўнасці

Шыфр

413Г000421

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Гродзенская вобласць, Навагрудскі раён, г. Навагрудак, вул. Мінская, 60, 62, 68/8

Датаванне

канец XIX - пачатак XX стст.

Стыль

Эклектыка

Апісанне

Комплекс будынкаў быў заснаваны на ўсходняй ускраіне Навагрудка. Фарміраваўся комплекс у некалькі этапаў. У Дзяржаўным спісе комплекс датуецца 1930-мі гг. Аднак, па сведчанні пісьмовых крыніц, будынкі, што стаяць па лініі вуліцы Мінскай (№ 60 і 62), былі пабудаваны раней. Яны і стылістычна адрозніваюцца ад будынка ў глыбіні двара (№ 68/8).

Комплекс складаецца з розначасовых будынкаў. Будынкі № 60 і 62 былі пабудаваны ў канцы XIX— пачатку XX ст. у так званым цагляным стылі як казённы вінны склад. Мелі выразныя сілуэт і пластыку. Да будынка № 62 прымыкала аднапавярховае крыло, арыентаванае фасадам таксама на вул. Мінскую. У 1915 г. гэтыя будынкі былі прыстасаваны пад навучальную ўстанову, якая там знаходзілася да 1921 г. Магчыма, былі зроблены ўнутры перапланіроўкі, фасады захоўвалі ранейшае рашэнне. У 1921 г. будынкі перадалі акруговаму суду. Рэканструкцыя будынкаў адбылася ў 1930-я гг., калі з узвядзеннем новага корпуса № 68/8 і быў сфармаваны комплекс будынкаў акруговага суда. Чарговая рэканструкцыя была праведзена пасля Вялікай Айчыннай вайны з прыстасаваннем пабудоў зноў пад навучальную ўстанову. У выніку рэканструкцый будынкі № 60 і 62 у цэлым захавалі свой аб’ём, у большасці велічыню і размяшчэнне аконных праёмаў, аднак іх знешняе аблічча было значна спрошчана са стратай атыкаў, аконных абрамленняў, аркатурных паяскоў, выкананых у тэхніцы цаглянай муроўкі. Фасады былі патынкаваныя.

Будынак № 68/8 праектаваўся і будаваўся спецыяльна для акруговага суда. Будынак адносна добра захаваўся з нязначнымі стратамі і пераробкамі.