Адпраўлена!

Памылка!

Комплекс будынкаў папяровай фабрыкі

Цiкавае

Змест

Звесткі аб каштоўнасці

Шыфр

312Г000234

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Гомельская вобласць, Добрушскі раён, г. Добруш, пр-т Луначарскага, 4

Датаванне

1870 г.

Апісанне

Добрушская папяровая фабрыка заснавана ў 1871 г. кн. Паскевічам. Была адным з буйнейшых прадпрыемстваў дарэвалюцыйнай Беларусі. Па аб'ёму вытворчасці ў канцы 19 - пачатку 20 ст. яна ўступала толькі Неўскай папяровай фабрыцы братоў Варгуніных. Але па тэхнічнай дасканаласці і энергаўзброенасці роўных ёй не было. Двойчы (у 1882 і 1896 гг.) фабрыка адзначалася вышэйшымі ўзнагародамі ўсерасійскіх выставак - правам адлюстравання на сваёй прадукыі дзяржаўнага герба.

У 1928-29 гг. была праведзена рэканструкцыя папяровай фабрыкі. Па праекце прадугледжвалася замена старых машын новымі больш магутнымі, будаўніцтва новых памяшканняў для ўстаноўкі самачэрпак на месцы качагаркі і чарнасодавай, а таксама на месцы механічнай майстэрні і лазні. Пры гэтым старыя будынкі зносіліся. Рэканструяваны былі некаторыя аддзяленні (хлорнае, саломенна-цэлюлознае). Пры фабрыцы быў запректаваны будынак фабрычна-завадскога вучылішча. У гады Вялікай Айчыннай вайны будынкі добрушскай фабрыкі былі пашкоджаны. Аднаўленне фабрыкі пачалося ў 1945 г. Будынак фабрыкі заслугоўвае ўвагі як помнік прамысловай архітэктуры. Захаваліся карпусы 19 ст., узведзеныя ў псеўдагатычным стылі, якія вызначаюцца асаблівым багаццем фасаднага афармлення. Тонкасць і прапарцыянальнасць архітэкурных вырашэнняў фасадаў, высокая якасць цаглянай кладкі і дэкаратыўных дэталяў, гарманічнасць агульнай кампазіцыі ставяць фабрыку ў Добрушы ў шэраг лепшых помнікаў беларускай архітэктуры.