Комплекс былога манастыра францысканцаў - адзін з самых старажытных рэлігійных комплексаў на тэрыторыі Беларусі. Кляштар ордэна францысканцаў існаваў у Навагрудку ўжо ў 1323 г.

Комплекс складаецца з мураванай царквы і двухпавярховага мураванага кляштарнага будынка. Касцёл  (Мікалаеўская царква) - помнік архітэктуры позняга барока з элементамі (пасля перабудовы) псеўдавізантыйскага стылю. Храм у плане прамавугольнай формы, завершаны ў заходняй частцы трохграннай апсідай. 

Кляштар францысканцаў - помнік архітэктуры позняга барока. Уяўляе сабой мураванае двухпавярховае збудаванне, Г-падобнае ў плане. Унутраная планіроўка калідорнага тыпу. Калідор і жылыя памяшканні перакрыты крыжовымі скляпеннямі. У заходняй частцы будынка некалькі пакояў з цыліндрычнымі скляпеннямі з распалубкамі.

Пасля рамонту ў 2015-2016 гадах будынкі знаходзяцца ў вельмі добрым тэхнічным стане.