Былая паштовая станцыя ўяўляе сабой замкнёны комплекс з невялікім унутраным дворыкам. Асноўны будынак - станцыйны дом, арыентаваны галоўным фасадам да дарогі Віцебск-Гарадок. Станцыйны дом 3-га разраду (так афіцыйна завецца будынак) пабудаваны з цэглы па "прыкладным" праекце 1843 г. Будынкі часткова перабудаваны. З паўночнага боку комплекса размешчаны былы флігель для ямшчыкоў. 

У 1941-1942 гг. у комплексе будынкаў былой паштовай станцыі фашысты размясцілі лагер савецкіх ваеннапалонных. 

Пасля Вялікай Айчыннай вайны комплекс выкарыстоўваўся ў якасці жылога будынка – дома дарожнага майстра.