Адпраўлена!

Памылка!

Комплекс былой сядзібы: сядзібны дом, парк

Цiкавае

Змест

Звесткі аб каштоўнасці

Шыфр

412Г000482

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Гродзенская вобласць, Свіслацкі раён, г.п.Поразава, вул. Палетаева

Датаванне

Сярэдзіна XIX ст.

Стыль

Неабарока

Апісанне

Па звесткам А.Т. Федарука, сядзіба ў Поразаве належала шляхецкаму роду Багудзяк, затым Бутаўт-Анджэйкавічаў. Даследчык мяркуе, што сядзіба, якая захавалася да нашага часу, закладзена на месцы старой у канцы XIX- пачатку XX ст. у формах неабарока. Як адзначае А. Кулагін, зварот да традыцыйнага тыпу барочна-класіцыстычнай дробнапамеснай шляхейкай сядзібы быў даволі пашырны. Сядзіба займае роўную тэрасу р. Рось каля пасёлка. Парадная частка мае сіметрычна-восевую пабудову. На восі размешчана шырокая (10 м) уязная ліпавая алея. За дрэвамі адкрываецца партэр з сядзібным домам. У пойме была невялікая водная сістэма з трох вадаёмаў, запоўненых вадой з Росі. Сістэма парушана, вадой запоўнены адзін квадратны вадаём.Частка парку за сядзібным домам прадстаўлена дрэвамі: ліпа, клён, елка, ясень, конскі каштан, белая акацыя. У савецкі час (да 2002 г.) былы сядзібны дом быў прыстасаваны пад бальніцу. У гэтай сувязі была часткова зменена планіроўка. Фасады будынка фактычна захаваліся без істотных пераробак. У інтэр'еры захаваліся печы, архітэктурны дэкор у асноўным страчаны. Гаспадарчы комплекс сядзібы не захаваўся. Па матэрыялах А. Федарука