Адпраўлена!

Памылка!

Комплекс былой сядзібы: сядзібны дом; жылы флігель; гаспадарчыя пабудовы; парк

Цiкавае

Змест

Звесткі аб каштоўнасці

Шыфр

212Г000206

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Віцебская вобласць, Браслаўскі раён, в. Опса

Датаванне

Пачатак ХХ ст. (1904 г.)

Стыль

Эклектыка

Апісанне

Сядзіба размешчана на ўсходнім беразе невялікага возера Опса. Цэнтрам сядзібнага комплексу з’яўляецца мураваны палац, размешчаны побач з возерам. З усходу сядзіба абнесена фігурным штыкетнікам, умацаваным слупамі з бутавага каменю, з паўднёвага боку абмежавана ручаём, праз які перакінуты аднаарачны мост. У цэнтры кампазіцыі дом ў глыбіні параднага партэра. Паўночная частка тэрыторыі адведзена пад гаспадарчую зону. Невялікі пейзажны парк ландшафтнай кампазіцыі з трох бакоў абкружае сядзібныя пабудовы. З старых пасадак захаваліся шасціствольны ясень, 3 піхты сібірскія.

Будаўніцтва мураванага палаца было спраектавана архітэктарам Целяжынскім з Панявежа і закончана ў 1904 г. Палац яшчэ добра захаваўся.

Сядзіба была пабудавана на сродкі графа Фелікса Плятэра. Але Плятэрам сядзіба не спатрэбілася, бо яны ўсё ж такі адсудзілі сабе сваю сядзібу ў Бяльмонтах. Старажылы памятаюць, як зрэдку графіня наведвала свой палац. Яе запомнілі невысокай, з сівымі валасамі. Прыязджала яна на брычцы. Калі ўсталявалася савецкая ўлада, яна кудысьці выехала. Дзяцей у яе не было.

У 1922 г. маёнтак выкуплены дзяржавай для арганізацыі мужчынскай сельскагаспадарчай школы, якая працавала з 1927-1939 гг. У палацы размясцілі класы для заняткаў, сталовую, інтэрнат, кватэры выкладчыкаў. Выкарыстоўваліся ўсе гаспадарчыя пабудовы. У гады Вялікай Айчыннай вайны ў сядзібе размяшчаліся адпаведна нямецкі і савецкі шпіталі. Потым комплекс аддалі пад школу-інтэрнат. Пасля пераезду школы сядзіба прыйшла ў заняпад.

У пачатку 1980-х гг. сядзібу выкарыстоўвалі для здымак тэлевізійнага фільма "Зацішша" па раману І.Тургенева.