зваротная сувязь
Калі вы заўважылі недакладнасць, ці маеце пытанне - лістуйце:
Комплекс былой сядзібы Зіберг-Плятэра: гаспадарчыя пабудовы
Шыфр
212Г000836_3
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
ХVIII - ХIХ стст.
Апісанне
Акрамя цэнтральнага палаца, сярод будынкаў, якія раней адносіліся да сядзібы да нашых дзён захаваліся: птушнік-свінарнік, кузня, флігель, стайня, кароўнік, кірха, спіртзавод, электрастанцыя. Побач з палацам размяшчаецца кірха (лютэранскі храм). Прамавугольны ў плане будынак з цэглы пад вальмавым дахам. Масіўныя сцена храма, звенчаныя прафіляваным карнізам, атынкаваныя і пабеленыя. Фасады з заходняга і ўсходняга боку, а таксама вуглы будынку дэкарыраваны лапаткамі. Кірха мае два ўваходы з усходняга і адзін – з паўднёвага фасадаў. Да паўночна-усходняга фасаду ў савецкі час прыбудаваны гаражы з цэглы. У храме толькі чатыры аконныя праемы: па два – з заходняга і паўднёвага фасадаў. Пад будынкам кірхі маецца каменнае падвальнае памяшканне з прыгожымі арачнымі скляпеннямі. Для ўзвядзення гаспадарчых пабудоў выкарыстана цэгла і бутавы камень.
Птушнік і свінарнік – прамавугольны ў плане двухузроўневы будынак пад двухсхільным дахам. Першы паверх з бутавага каменю, аздоблены цаглянымі лапаткамі, аконныя і дзвярныя праёмы – ліштвамі. Маюцца два ўваходы: з паўднёвага і заходняга бакоў. Другі паверх будынка цагляны. Уваход на яго звонку і знаходзіцца на ўсходнім фасадзе, абазначаны ганкам з бутавага каменю. Зараз у будынку размяшчаецца фізкультурна-аздараўленны цэнтр.
Былая кузня, якая цяпер пустуе, мае двухсхільны дах і пабудавана з бутавага каменю. Сцены завершаны прафіляванымі карнізамі. Уваход ў будынак з паўднёвага боку праз аднастворкавыя дзверы, з ўсходнага – праз двухстворкавыя. Здвоенныя і адзінарныя аконныя і дзвярныя арачныя праёмы аздоблены ліштвамі з цэглы, чатыры вуглы ўпрыгожаны лапаткамі з каменю. Франтоны цагляныя, з паўднёвага боку ў франтоне маеца аконны праём.
Флігель – прамавугольны ў плане будынак з цэглы з двухскатным дахам вылучаным мансардай з дрэва на восях заходняга і ўсходняга фасадаў. Вокны абрамляюць гладкія ліштвы. На франтонах з паўднёвага і паўночнага боку чатыры акны прамавугольнай формы і адно – паўкруглай.
Да 2015 года флігель выкарыстоўваўся як жылы дом. Ужо некалькі гадоў гэта пустуючае памяшканне разбураецца і патрабуе грунтоўнага рамонту.
У аварыйным стане знаходзіцца стайня – будынак з бутавага каменю, які складаецца з чатырох прамавугольных памяшканняў, аб’яднаных у форму квадрата пад суцэльным вальмавым дахам. З паўднёвага боку маецца ўваход ва ўнутраны дворык. Вокны з заходняга боку знаходзяцца ў верхняй частцы сцяны, ва ўнутраным дворыку вокны і двухстворкавыя дзверы абрамляюць ліштвы з цэглы, вуглы будынка са знешняга боку дэкарыраваны лапаткамі.
Яшчэ ў пачатку XXI стагоддзя канюшня выкарыстоўвалася для ўтрымання цялят, але з цягам часу дах будынка з паўночна-усходняга боку разбурыўся і зараз ён не выкарыстоўваецца.
На сённяшні дзень мясцовай гаспадаркай у якасці склада выкарыстоўваецца былы кароўнік. Гэта двухузроўневы будынак першы паверх якога з бутавага каменю, другі – з цэглы. Абманныя двухстворкавыя дзверы і вокны, размешчаныя на заходнім і ўсходнім фасадзе будынка, аздоблены ліштвамі з цэглы. Вуглы ўзятыя ў рамы лапатак. Лапаткі таксама падзяляюць заходні і ўсходнія фасады на тры роўныя часткі.
У кароўніку ёсць ліфт на другі паверх, але ён на сённяшні дзень не дзейнічае.
Спіртзавод – двух’ярусны будынак у стылі класіцызму з цэглы і бутавага каменю пад двухсхільным дахам вылучаным трохвугольным франтонам. У пасляваенны час да гэтага памяшкання дабудоўваліся трохсцены, што радыкальна змяніла яго першапачатковы выгляд. Зараз будынак не выкарыстоўваецца і знаходзіцца ў запусценні.
Млын у Гарадцы размешчаны непасрэдна каля ракі Мнюта. Гэта цагляны будынак ад якога захаваліся толькі сцены з паўночна-заходняга і паўночна-усходняга боку. Прамавугольныя аконныя праёмы зверху аздоблены цаглянымі ліштвамі.
Сартаваць па