зваротная сувязь
Калі вы заўважылі недакладнасць, ці маеце пытанне - лістуйце:
Комплекс касцёла Святой Ганны
Шыфр
413Г000376
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1782 г.
Стыль
Позні класіцызм
Апісанне
Пабудаваны у 1782 годзе з цэглы, у 1895 годзе рэканструяваны (без змен пакінута толькі апсіда). Значная частка яго каменных сцен падчас перабудовы была заменена на бутавы камень. 3 гэтага часу храм набыў рысы архітэктуры неакласіцызму. Прамавугольны ў плане аб'ём пад 2-схільным дахам з 5-граннай апсідай. Архітэктурныя дэталі (ліштвы, карнізы, акантоўка лапатак) пабелены і графічна вылучаны на поліхромным фоне бутавай муроукі. Складаную трактовку атрымаў 3-вугольны франтон галоўнага фасада, у які ўкампанаваны плоскі ўтрыраваны пілястравы порцік з самастойным франтонам. Сцены фасадаў абліцаваны бутавым каменем, архітэктурныя дэталі (ліштвы, карнізы, вуглы пілястраў) пабелены і графічна вылучаны на поліхромным фоне бутавай муроўкі. Інтэр'ер мае выцягнутую па падоўжанай восі кампазіцыю. Выцягнутая па падоўжанай восі малітоўная зала падзелена высокімі драўлянымі слупамі (размалёука імітуе мармуравыя калоны) на 3 нефы. Центральны з іх перакрыты драўляным цыліндрычным скляпеннем і аб'яднаны ім з конхавай апсідай. Спалучэннем з плоскай столлю бакавых нефаў у 4- сценным аб’ёме створана развітая прастора, арганізацыя якой нагадвае старадаўнія каталіцкія базілікі. Цэнтральны неф перакрыты драўляным падвесным цыліндрычным скляпеннем, у бакавых нефах столь драўляная плоская, у апсідзе перакрыццё цаглянае - конха. Ва ўсходняй частцы бакавых нефаў размешчаны на 1/2 вышыні залы два сакрысцііз галерэямі. Уздоўж заходняй сцяны - хоры. Інтэр'ер упрыгожваюць сем драўляных неагатычных разных алтароў работы мясцовых майстроў. У афармленні інтэр’ера храма шырока выкарыстана дрэва. Касцёл - помнік архітэктуры позняга класіцызму. Мастацкае афармленне дапаўняе размалёўка арнаментальнага фрыза з поясам аб'яднаных гірляндамі медальёнаў, падпружных арак, плафоных разетак і арнаментальна-геральдычны жывапіс.
Сартаваць па