Комплекс сельскагаспадарчай акадэміі: будынак (жылы дом)

Трохпавярховы г-падобны у плане будынак пабудаваны з цэглы са скатным дахам пакрыты шыферам. Пафарбаваны ў зеленаваты колер. Архітэктура будынка вызначаецца зпрошчанасцю аб’ёмаў, без якіх-небудзь дэкаратыўных элементаў. Мастацкая выразнасць выяўляецца праз лаканізм форм. Фасады плоскія, члянёны прамавугольнымі аконнымі праёмамі, завершаны нескладаным карнізам, які мае функцыянальнае прызначэнне. Але адчуваюцца вынікі пластычнай распрацоўкі гэтых простых форм: разкрэпоўка сцен у вуглу і ў лесвічнай клетцы. Такі прыём выкарыстоўваецца для ўзмацнення кампазіцыйнай выразнасці будынка. Ёсць яшчэ характэрныя элементы архітэктуры таго часу: вертыкальная паласа зашклення лесвічнай клеткі і невялікі парапет, які заканчвае яе сцяну, рознавялікія вокны, у якіх прэваліруе гарызантальны памер.