зваротная сувязь
Калі вы заўважылі недакладнасць, ці маеце пытанне - лістуйце:
Корпус былога кляштара трынітарыяў
Шыфр
612Г000294
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1762 год
Стыль
позняе барока
Апісанне
У 1758 г. (па іншых крыніцах у 1738 г.) кашталян трокскі Тадэвуш Агінскі і яго жонка Ганна (народжаная Радзівіл), уладальнікі Маладзечна, заснавалі тут касцёл Нараджэння Найсвяцейшай Дзевы Марыі. У 1762 г. святыня была перададзена трынітарскаму ордэну. Да канца 18 ст. комплекс кляштара быў абнесены мураванай агароджай з брамамі, уключаў: драўляны касцёл, двухпавярховы мураваны кляштарны корпус, двух'ярусную драўляную званіцу, два драўляныя флігелі, шпіталь і шэраг гаспадарчых пабудоў. Меў багатую бібліятэку. Пад закрысціяй і трапезнай знаходзіліся дзве піўніцы.
У 1823 г. касцёл згарэў. А ў 1832 г. быў скасаваны кляштар. Будынак кляштара часткова выкарыстоўваўся як плябанскі дом, частку займала дваранскае вучылішча. Пасля падаўлення нацыянальна-вызваленчага паўстання 1863-1864 гг., на базе дваранскага вучылішча была створана праваслаўная настаўнiцкая семiнарыя. Адкрыта 8.11.1864 г. Рыхтавала настаўнiкаў пачатковых школ. Адным з заснавальнiкаў семiнарыi быў археолаг, краязнавец М. П. Авенарыус; сярод выкладчыкаў беларускiя этнографы, фалькларысты i гiсторыкi М. Я. Нiкiфароўскi, Ю. Ф. Крачкоўскi, А. В. Ярушэвiч. Пры семiнарыi было ўзорнае народнае вучылiшча, дзе семiнарысты праходзiлi практыку. У 1-ю сусветную вайну семiнарыя эвакуiравана ў Смаленск (1915 г.), дзе iснавала да 1920 г. У 1919 г. у былым трынітарскім корпусе размясцілася гімназія. Калі Маладзечна апынулася на тэрыторыі Заходняй Беларусі, будынак касцёла быў вернуты католікам (храм быў асвечаны ў гонар святога Казіміра). Падчас Другой сусветнай вайны храм быў разбураны. Будынак былога кляштара трынітарыяў прыстасаваны пад склады станкабудаўнічага завода. У 1984 годзе на будынку ўстаноўлена мемарыяльная дошка ў гонар былых вучняў семінарыі (1864-1920 г.г.). За 50 год семінарыю скончылі больш за 2 тысячы чалавек.
Сартаваць па