Крэпасць
Крэпасць
Змест
Звесткі аб каштоўнасці
Шыфр
512Г000059
Катэгорыя каштоўнасці
Тып каштоўнасці
Датаванне
1810 - 1812 гг.
Стыль
Класіцызм, "цагляны" стыль
Апісанне
Крэпасць у г. Бабруйску з'яўляецца помнікам фартыфікацыйнага мастацтва першай паловы ХІХ ст. Пры яе праектаванні і ўзвядзенні выкарыстоўваліся самыя сучасныя для гэтага перыяда ваенна-інжынерныя ідэі і метады будаўніцтва.
Доўгачасовыя абарончыя збудаванні былі выкананы з цэглы, маюць скляпеністыя перакрыцці, амбразуры, байніцы, вентыляцыйныя адтуліны. У люнеце на беразе р. Бярэзіны захаваліся лесвіцы, цагляная падлога, пакладзеная “елачкай”, драўляныя двухстворкавыя вароты на фігурных каваных петлях, з каванымі клямкамі і засоўкамі. У скляпеннях над амбразурамі ў люнеце і рэдуітах маюцца чыгунныя крукі, якія выкарыстоўваліся для ўстаноўкі гармат на лафетах.
У рэдуітах захаваліся лесвіцы, у рэдуіце правага ўваходнага плацдарма 1-га палігона - апарэль для ўздыму гармат, у гаржавым рэдуіце 5-га палігона - дазорная вежа. Важна захаваць контрмінныя галерэі і патэрны, рэшткі бастыёнаў, равелінаў і іншых земляных пабудоў.
Акрамя таго, Бабруйская крэпасць з'яўляецца яшчэ і помнікам горадабудаўнічага мастацтва. У архітэктурным афармленні будынкаў крэпасці жылых пабудоў (казармаў, афіцэрскіх дамоў) былі выкарыстаныя элементы стылю класіцызм (архітэктар А.Я. Штаўберт). Асабліва ўражваў ансамбль параднай Саборнай плошчы з домам каменданта, будынкамі штаба, шпіталя, саборам св. Аляксандра Неўскага. Дэкор фасадаў адпавядаў ваеннаму прызначэнню і быў досыць стрыманым. Сцены першага паверху і вуглы большасці дамоў руставаныя, аконныя праёмы зверху ўпрыгожаны дэкаратыўнымі дэталямі. Ваенныя і грамадзянскія будынкі на тэрыторыі крэпасці з'яўляюцца прыкладам ансамблевай забудовы тэрыторыі.
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён