зваротная сувязь
Калі вы заўважылі недакладнасць, ці маеце пытанне - лістуйце:
Крыжаўзвіжанская царква
Шыфр
113Г000652
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1903 г.
Стыль
Псеўдарускі
Апісанне
Мураваная Крыжаўзвіжанская царква была пабудавана ў 1903 г. на месцы былой драўлянай царквы, якая згарэла ў 1878 г. З'яўляецца помнікам архітэктуры псеўдарускага стылю.
Храм чатырохчастковай падоўжна-восевай кампазіцыі. У сілуэце дамінуюць цыбулепадобныя галоўкі гранёнага шатра званіцы і васьміграннага барабана над 4-х схільным пакатым дахам асноўнага аб'ёму. Галоўны і бакавыя ўваходы ў выглядзе прытвораў пад 2-схільнымі дахамі аформлены вуглавымі лапаткамі, зубчастымі карнізамі, прамавугольнымі панэлямі. Лучковыя аконныя праёмы (у два ярусы ў асноўным аб'ёме) дэкарыраваны плоскімі ліштвамі. Прастора трапезнай адкрыта ў малітоўную залу шырокім арачным прасветам. Апсіда вылучана драўляным 3-ярусным іканастасам.
У царкве захоўваецца абраз ХІХ ст. "Спас Пантакратар".
З моманту пабудовы храм ніколі не быў зачынены.
Сартаваць па