зваротная сувязь
Калі вы заўважылі недакладнасць, ці маеце пытанне - лістуйце:
Крыжаўзвіжанская царква
Шыфр
113Г000339
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1869 г.
Стыль
Рэтраспектыўны “рускі”
Апісанне
Царква пабудавана ў 1869 г. на сродкі графіні Марыі Ксавераўны Патоцкай (па другіх звестках інсургентаў 1863-1864 гадоў) на месцы драўлянай уніяцкай царквы 1839 года пабудовы.
Праект мураванага храма быў распрацаваны акадэмікам архітэктуры В.І. Чагіным і зацверджаны генералам ад інфантэрыі М.М. Мураўёвым. Падрадчыкам будаўніцтва з’яўляўся мешчанін Чарнігаўскай губерніі Г.А. Назараў.
1 верасня 1886 г. у багаслужэнні прымаў удзел імператар Аляксандр III з імператрыцай Марыяй Фёдараўнай і дзецьмі: будучым імператарам Мікалаем II, вялікімі князямі Георгіем Аляксандравічам і Уладзімірам Аляксандравічам. Царская сям’я падарыла высокаўскай царкве срэбную чашу, залаты крыж і некалькі абразоў у срэбнай аправе.
У Першую сусветную вайну немцы знялі званы з храмаў горада і адправілі на пераплаўку. Да 1932 г. царква дзейнічала без званоў. Граф Патоцкі ахвяраваў грошы на набыццё ў высокаўскую царкву вялікага звана. Сярэдні і малы званы былі набыты на на ахвяраванні прыхаджан.
Храм дзейнічаў на ўсім працягу свайго існавання (акрамя 1915-1917 гадоў).
Сартаваць па