Адпраўлена!

Памылка!

Культура беларускай дуды на Гомельшчыне

Цiкавае

Змест

Звесткі аб каштоўнасці

Шыфр

33БЛ000178

Катэгорыя каштоўнасці

нематэрыяльныя ГКК адноўленыя (зафіксаваныя) ці з часам могуць змяняцца - Б

Глава

Нематэрыяльныя каштоўнасці

Тып каштоўнасці

Выканальніцкія мастацтвы

Падтып каштоўнасці

Музыка

Месца знаходжання

Гомельская вобласць, г. Гомель; Гомельская вобласць, Ельскі раён, аг. Зашыр’е

Апісанне

Дуда з’яўляецца беларускім нацыянальным музычным інструментам. Дударства на Гомельшчыне ўяўляе сабой водгукі агульнанацыянальнага культурнага адраджэння, якое пачалося ў апошняй чвэрці ХХ ст. На цяперашні час Гомельская вобласць мае шэраг асоб у г. Гомелі і аг. Зашыр’е Ельскага раёна, якія вывучаюць і папулярызуюць выканальніцтва на дудзе, пераймаюць майстэрства валодання інструментам ад майстроў і музыкаў з іншых рэгіёнаў краіны праз асабістыя кантакты і творчыя сустрэчы. Выканаўцы складаюць свой музычны рэпертуар з традыцыйнай дудовай музыкі і найгрышаў да традыцыйных танцаў, гульняў і забаў, як абрадавых, так і пазаабрадавых. Пераемнікамі, якія актыўна далучаны да практыкі перадачы нематэрыяльнай культурнай каштоўнасці, з’яўляюцца ўдзельнікі ўзорнага фальклорнага ансамбля «Найгрыш» ДУА «Сярэдняя школа № 30 г. Гомеля».

Гістарычна дударства характэрна для паўночных, паўночна-заходніх рэгіёнаў Беларусі. Пра традыцыі беларускага дударства на тэрыторыі Гомельскай вобласці знойдзены звесткі ў гістарычных і этнаграфічных крыніцах, у тым ліку этнаграфічных апісаннях тэрыторыі Магілёўскай губерні канца XIX – пачатку XX стст. У Гомельскай вобласці знаходзяцца такія населеныя пункты як Дударава, Дудзічы, Здудзічы, Рудня-Дудзіцкая, Дудчына, назвы якіх пайшлі ад прозвішчаў Дудараў, Дудзіч, Дудко, якія ў сваю чаргу утварыліся ад вытворных асноў «дуда», «дудар», у сэнсавым значэнні асноў тут відавочна той хто грае на дудзе.