Адпраўлена!

Памылка!

Культурны слой г. Быхава

Цiкавае

Змест

Звесткі аб каштоўнасці

Шыфр

513В000165

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Магілёўская вобласць, Быхаўскі раён, г. Быхаў

Датаванне

VII ст. да н.э. – II ст. н.э.

Апісанне

Культурны пласт старажытнага горада Быхава займае плошчу 60 га паміж правым берагам Дняпра i абарончымі збудаваннямі XVI-XIX стст. у выглядзе землянога вала, рэшткі якога захаваліся да нашага часу. Вал меў даўжыню 800 м, вышыню 7-8 м пры шырыні да 30 м i роў глыбнёй 7-8 м пры шырыні да 50 м.

Найбольш прыдатныя для вывучэння напластаванні паходзяць з тэрыторыі касцёла, Заюраўкі, Быхаўскага замка, тэрыторыі кінатэатра "Радзіма”, Юдаўкі і цэнтральнай часткі горада.

Самыя старажытныя фрагменты керамікі былі атрыманы на тэрыторыі касцёла, за выключэннем замка (адзінкавыя артэфакты часоў ранняга жалезнага веку i XI-XIII стст.). Нешматлікія фрагменты керамічных начынняў датуюцца XIV-XV стст. Наяўнасць матэрыялаў канца XV-XVI ст. ускосна пацвярджае магчымасць размяшчэння тут аднаго з “двароў” - протазамкаў.

Матэрыялы з кіатэатра “Радзіма” паказалі, што гэта тэрыторыя была адведзена пад палеткі. Былі зафіксаваны фрагменты керамічнага начыння канца XVІІІ-XIX ст., донца шкляной бутэлькi XVIII ст. i меднае раменнае кальцо, хутчэй за усё, ад конскай падпругі. На мацерыку прасочваюцца сляды або раслін, пасаджаных радкамі, барознамі, або колышкаў ад агароджы, якую з цягам часу пераносілі.

Тэрыторыя паміж праваслаўным храмам i гандлёвай плошчай была інтэнсіўна забудавана на працягу ўсяго свайго існавання. Па паўднёвым кpai гандлёвай плошчы ішлі мураваныя гандлёвыя рады. Рэшта цагляных падмуркаў былі выяўлены ў час будаўнічых работ 2013 г. Сярод матэрыялаў (побытавая і будаўнічая кераміка, вырабы з жалеза i шкла) дамінуюць артэфакты XVII-XIX ст. (побытавы керамічны i шкляны посуд, аптэчны посуд).