Курган Славы

Мемарыяльны комплекс «Курган Славы» – помнік гісторыі, складанае інжынерна-архітэктурнае збудаванне, якое мае форму кургана (вышыня 35 м.). Яго вяршыню ўвенчваюць 4 бетонныя штыкі-абеліскі (вышыня кожнага 35,6 м.), абліцаваныя тытанам. Яны сымвалізуюць 4 франты, што ўдзельнічалі ў вызваленні Беларусі. Узведзены ў гонар подзвігу воінаў 1-га, 2-га, 3-га Беларускіх і 1-га Прыбалтыйскага франтоў у Беларускай аперацыі 1944 г. 

30.09.1966 г. прадстаўнікамі гарадоў-герояў Масквы, Ленінграда, Валгаграда, Севастопаля, Адэсы, Кіева, Брэсцкай крэпасці-героя, вайсковых часцей, працоных і навучэнцаў Мінска і Мінскай вобласці закладзены Курган Славы. Адкрыты 05.07.1969 г. (Скульптар А. Бембель, архітэктар А. Стаховіч, інжынер В. Лапцэвіч).