Адпраўлена!

Памылка!

Курганны могільнік

Цiкавае

Змест

Звесткі аб каштоўнасці

Шыфр

213В000430

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Могiльнiкi, надмагiльныя рытуальныя збудаваннi

Месца знаходжання

Віцебская вобласць, Докшыцкі раён, в. Бірулі, 0,1-0,15 км на поўнач ад вёскі, на заходнім беразе воз. Медзазол

Датаванне

Х - ХІІІ стст.

Апісанне

Курганны могільнік знаходзіцца на высокім беразе Возера Медзазол недалёка ад в. Бірулі. На сённяшні дзень налічваеццца 115 круглых у плане і падоўжаных курганаў. На могільніку сустракаюцца насыпы даволі значных памераў, аднак асноўная колькасць курганоў мае дыяметр 6-8 м і вышыню 1-1,5 м.

Упершыню могільнік пачалі даследаваць у 1938-1939 г. супрацоўнікі кафедры археалогіі Віленскага ўніверсітэта А. Цэгак-Галубовіч і У. Галубовіч. На помніку, які размяшчаўся на тэрыторыі маёнтка "Парэчча”, Галубовічамі было раскапана 13 насыпаў з трупаспаленнем, праведзеным на баку ад месца пахавання і трупапалажэннем на ўзроўні гарызонта і ў падкурганных ямах.

У 1971 г. помнік абследаваў А.Р. Мітрафанаў, які налічыў тады 130 насыпаў. У 2005—2006гг. тут таксама праводзіліся археалагічныя працы. За гэты тэрмін было даследавана 8 курганоў.

У Бірулях тры археалагічныя аб'екты: гарадзішча, селішча і курган-могільнік. І ўсе яны датуюцца часовым адрэзкам ад пачатку нашай эры да XVII ст. уключна.