Адпраўлена!

Памылка!

Курганны могільнік

Цiкавае

Змест

Звесткі аб каштоўнасці

Шыфр

513В000135

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Могiльнiкi, надмагiльныя рытуальныя збудаваннi

Месца знаходжання

Магілёўская вобласць, Бабруйскі раён, в. Старая Шараёўшчына, 0,4 км на поўнач ад вёскі

Датаванне

XI ст.

Апісанне

Курганны могільнік знаходзіцца каля вёскі Старая Шараёўшчына. На сённяшні дзень налічвае 18 насыпаў паўсферычнай формы, акруглыя ў плане. Размяшчаюцца на выдаленні 1-23 м адзін ад аднаго, задзернаваныя, параслі дрэвамі і хмызняком.

Помнік вядомы з кан. ХІХ ст. У 1892 г. В. З. Завітневіч раскапаў дзесяць курганоў, усяго на той час налічвалася 30 насыпаў. Пахаванні адбываліся па абраду трупапалажэння на гарызонце, галавой на захад. У адным кургане прасочваліся рэшткі труны. Пахавальны інвентар - скроневыя кольцы, пацеркі, завушніцы, маніста, пярсцёнкі.

У 1978 г. помнік абследаваў П.Ф. Лысенка, які налічыў 19 насыпаў, у 1999 г. В.Ф. Капыцін, адзначыў наяўнасць 18 насыпаў, у 2019 г. А.В. Вараненка налічыў таксама 18 насыпаў.