Курганны могільнік

Курганныя насыпы каля вёскі Старая Шараёўшчына з’яўляюцца матэрыяльным археалагічным і духоўным помнікам. 

Васемнаццаць насыпаў паўсферычнай формы, акруглыя ў плане, вышынёй 0,5-1,6 м, дыяметрам 6-12 м, на выдаленні 1-23 м адна ад іншай, задзернаваны, параслі дрэвамі і хмызняком.

Абавязковым элементам для захавання выступаюць самі насыпы, якія выконвалі функцыю прытулку для душы, а таксама раўкі вакол насыпаў і пахавання пад курганамі.

Помнік мае вельмі важнае значэнне для вывучэння гісторыі Бабруйскага раёна, таму што раскопкі курганоў даюць вельмі каштоўную гістарычную інфармацыю аб жыцці сельскага насельніцтва ў раннім сярэднявеччы, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення славянскіх плямёнаў. Самі курганы, насыпаныя праз адно-два стагоддзі пасля хрышчэння Русі сведчаць аб рэлігійным сінкрэтызме - "двухвер'і" людзей таго часу.