Курганны могiльнiк-2 перыяду ранняга сярэднявечча

Курганны могільнік-2 за 0,5 км. паўднёвы ўсход ад могільніка-1, ва ўрочышчы Мошка 2-я. Захавалася 12 насыпаў вышынёй 0,6 м, дыяметрам 12 м. Пахавальны абрад - трупапалажэнне, у 7 курганах галавой на захад, у 1 - на ўсход. У 4 курганах - пахаванне на гарызонце, у 4 - у ямах. Пахавальны інвентар выяўлены ў 4 насыпах: драцяное кольца, пярсценкападобныя скроневыя кольцы, падвеска-амулет у выглядзе коніка, пярсцёнкі, шкляныя пацеркі, грузікі-падвескі, рэшткі ганчарнай керамікі і тканіны. Датуецца 11-12 стст. Даследаваў у 1959=63 гг. І.І.Арцеменка, раскапаў 10 насыпаў. У 1969 г. Г.Ф.Салаўёва ўскрыла 8 курганаў.