Адпраўлена!

Памылка!

Курганны могільнік і селішча перыяду сярэднявечча

Цiкавае

Ахоўная дошка на селішчы перыяду сярэдневечча

Змест

Звесткі аб каштоўнасці

Шыфр

413В000462

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Могiльнiкi, надмагiльныя рытуальныя збудаваннi

Месца знаходжання

Гродзенская вобласць, Навагрудскі раён, в. Сялец, 0,8 км на паўночны захад ад вёскі, на ўсходняй ускраіне вёскі

Датаванне

Х - ХІ стст.

Апісанне

Курганны могільнік і селішча перыяду сярэднявечча знаходзяцца на паўночны захад ад вёскі, на ўсходняй ускраіне вёскі.

Курганны могільнік налічвае каля 30 курганоў вышынёй 0.5 - 1 м. Асобныя курганы маюць вышыню да 2 м. Насыпы паўсферычнай формы, круглыя ў плане. Могільнік належаў дрыгавічам.

У 1972 г. К.В. Паўлава праводзіла раскопкі. У 1973 г. абследаваў М.А. Ткачоў. Былі выяўлены пахаванні па пахавальным абрадзе трупапалажэнне. Знойдзены жалезныя нажы, бронзавыя арачныя спражкі, зярнёныя і шкляныя пацеркі, рэшткі драўлянага вядзерца, пярсцёнкі, гаршкі.

Непадалёк ад курганнага могільніка знаходзіцца селішча. У 1956 г. яго выявіла Ф.Д. Гурэвіч, у 1983 г. раскопкі праводзіў В.У. Шаблюк. Было выяўлена было больш за 1000 фрагментаў бытавой керамікі, пераважна гаршкоў (найбольш раннія XII ст.), а таксама сярпы, нажы, падкоўкі, шкляныя пацеркі, грузіла, манета XVII ст. (барацінка). Селішча датуецца ХІІ-ХVІІ стст.

У 2008 г. селішча абследаваў Э.М. Зайкоўскі, у 2021 г. С.А. Піваварчык і А.Д. Гаршкоў.