Курганны могiльнiк перыяду ранняга сярэднявечча

Захаваліся 33 насыпы вышынёй 1,1-1,6 м, дыяметрам 10-12 м. Выявіла і абследавала ў 1982 г. В.С. Вяргей.

Курганны могільнік перыяду ранняга сярэднявечча - размешчаны за 3 км на паўднёвы захад ад вёскі, справа ад дарогі ў в.Брынёў, ва ўр. Дзевіц Магілы, у лесе (61 кв.). Лясной дарогай, якая пралягае па краю пясчанай грады, могільнік падзелены на дзве часткі. У 1992 г. налічваў 33 (34?) насыпы вышынёй 1-1,5 м, дыяметрам 10-12 м. 2 курганы падоўжаныя ў плане (4 х 7, Н=1,3 м), астатнія - круглыя. 9 (11?) насыпаў размешчаны ў ніжэйшай частцы ад дарогі, 23 (24?) - на ўзвышшы. На многіх насыпах прасочваюцца сляды скарбашукальніцкіх ямаў, як старых, так і новых. Падчас абследавання курганнага могільніка ў лістападзе 2012 г., было адзначана значнае пашкоджанне насыпаў. “Нізкая” частка могільніка развораная пад пасадку лесу. Рабочыя, якія тут працуюць, паведамілі аб знаходцы на тэрыторыі могільніка жалезнага наканечніка стралы ці дзіды, які хутчэй за ўсё, паходзіць з разворанага кургана. Падчас абследавання ў 2012 г. было налічана 28 курганных насыпаў, якія маюць розную ступень захаванасці. Болып-менш ацалелі курганы ў высокай частцы могільніка, у лесе. Стан захаванасці помніка нездавальняючы.