Курганны могiльнiк перыяду ранняга сярэднявечча
Курганны могiльнiк перыяду ранняга сярэднявечча
Змест
Звесткі аб каштоўнасці
Шыфр
313В000663
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
X - XIII стст.
Апісанне
Курганны могiльнiк перыяду ранняга сярэднявечча знаходзіцца ў 0,5 км на поўдзень ад вёскі, на заходнім беразе штучнага вадасховішча. Налічвае 62 курганы. Вакол падножжа курганаў прасочваюцца раўкі. Вядомы з 1873 г. Належаў радзімічам.
Могільнік абследавалі ў 1890 г. Е.Р. Раманаў, у 1930 г. А.М. Ляўданскі. У 1968 г. 10 насыпаў раскапала Г.Ф. Салаўёва, у 1980 г. 15 курганаў даследаваў Э.М. Загарульскі. Былі знойдзены пахаванні па пахавальным абрадзе трупапалажэнне. Мужчынскія пахаванні мелі невялікую колькасць рэчаў (жалезныя дужкі і абручы ад вядра, крэсівы, ганчарны посуд і яго абломкі, косці жывёл). У жаночых пахаваннях знойдзены бронзавыя і срэбныя скроневыя сяміпрамяневыя бранзалетападобныя кольцы з трыма напускнымі пацеркамі, рознакаляровыя шкляныя (зяленыя, сінія,чырвоныя, фіялетавыя, непразрыстыя) пацеркі і бісер, чорна-белая, аздобленая вочкамі, пацерка, а таксама пацеркі шкляныя бочкападобныя пазалочаныя і пасрэбраныя і іншыя ўпрыгожванні, ганчарны і ляпны посуд і яго абломкі.
Доступ да аб'екта