Курганны могільнік перыяду ранняга сярэднявечча

Курганны могільнік каля в. Перавоз - помнік археалогіі перыяду ранняга сярэднявечча. Датуецца 10-13 стагоддзямі. Размяшчаецца за 200 м налева ад дарогі ў в. Маргі. Курганны могільнік пашкоджаны лесам. Уключае ў свой склад некалькі курганоў вышынёй да 2 м, дыяметрам да        12 м. У 2 курганах выяўлены рэшткі трупаспаленняў, пакрытых гаршчкамі; у адным з іх сярод касцей былі адназвенныя маленькія цуглі. Курганны могільнік з’яўляўся месцам пахавання полацкіх крывічоў. Выявіў у 1893 г. Ф.В.Пакроўскі, абследавалі ў 1938-39 гг. А.Цэгак-Галубовіч і У.Галубовіч, у 1972 г. М.А.Ткачоў, у 1981 г., 1989 г. Л.У.Дучыц.