зваротная сувязь
Калі вы заўважылі недакладнасць, ці маеце пытанне - лістуйце:
Калі ласка, прадстаўцеся
Як з вамі звязацца?
Увядзіце карэктны email
Пра што вы хацелі даведацца?

Адпраўлена!

Памылка!

Курганны могільнік перыяду ранняга сярэднявечча

Апісанне

Курганны могільнік знаходзіцца за 140 м ад правага берага безназоўнага ручая (зараз меліарацыйны канал), за 0,75 км на паўночны захад ад вёскі, ва ўрочышчы Старыя Кладкі, у лесе.

Трыццаць адзін насып паўсферычнай формы, асобныя з сплошчанай вяршыняй і варанкавіднымі западзінамі, акруглыя ў плане, вышынёй 0,3-0,9 м, дыяметр курганаў 4-10 м, задзернаваны, параслі дрэвамі. Адлегласці паміж курганамі складаюць ад 1 да 14 м. Насыпы аплыўшыя, раўкі не прасочваюцца.

Адзінаццаць насыпаў пашкоджаны скарбашукальніцкімі ямамі, памерам 1х1,5 - 3,4х3,6, пры глыбіні 0,3-0,9 м і шэсць - варонкамі ад снарадаў. Астатнія - без бачных пашкоджванняў. 

Абавязковым элементам для захавання выступаюць самі насыпы, якія выконвалі функцыю прытулку для душы, а таксама раўкі вакол насыпаў і пахавання пад курганамі.

Помнік мае вельмі важнае значэнне для вывучэння гісторыі Бабруйскага раёна, таму што раскопкі курганоў даюць вельмі каштоўную гістарычную інфармацыю аб жыцці сельскага насельніцтва ў раннім сярэднявеччы, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення славянскіх плямёнаў. Самі курганы, насыпаныя праз адно-два стагоддзі пасля хрышчэння Русі сведчаць аб рэлігійным сінкрэтызме - "двухвер'і” людзей таго часу.