Курганны могільнік перыяду ранняга сярэднявечча

Магільныя насыпы каля вёскі Рымаўцы з’яўляюцца матэрыяльным археалагічным і духоўным помнікам. 

Курганны могільнік знаходзіцца за 1,5 км на поўдзень ад вёскі, за 4 м на захад ад ЛЭП і паварота ў в. Гародчына (1 км), у квартале 149, у лесе.

Абавязковым элементам для захавання выступаюць самі насыпы, якія выконвалі функцыю прытулку для душы, а таксама раўкі вакол насыпаў і пахавання пад курганамі.

Помнік мае вельмі важнае значэнне для вывучэння гісторыі Бабруйскага раёна, таму што раскопкі курганоў даюць вельмі каштоўную гістарычную інфармацыю аб жыцці сельскага насельніцтва ў раннім сярэднявеччы, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення славянскіх плямёнаў. Самі курганы, насыпаныя праз адно-два стагоддзі пасля хрышчэння Русі сведчаць аб рэлігійным сінкрэтызме - "двухвер'і" людзей таго часу.