Адпраўлена!

Памылка!

Курганны могільнік перыяду ранняга сярэднявечча

Цiкавае

Змест

Звесткі аб каштоўнасці

Шыфр

513В000207

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Могiльнiкi, надмагiльныя рытуальныя збудаваннi

Месца знаходжання

Магілёўская вобласць, Быхаўскі раён, в. Вязьма, у 1,5 км на поўдзень ад в.Вязьма

Датаванне

VII ст. да н.э. - II ст. н.э.

Апісанне

Гарадзішча ранняга жалезнага веку знаходзіцца на левым беразе р. Друць (15 м над узроўнем вады) у 1,5 км на поўдзень ад в. Вязьма. Пакінута носьбітамі мілаградскай і зарубінецкай культур.

Пляцоўка гарадзішча памерам 16x27 м і вышынёй над зрэзам вады 13-15 м, з усходняга боку сезонна падмываецца ракой. З напольнага (заходняга) боку абаронена падковападобным валам і на палову засыпаным ровам. За ровам прасочваюцца рэшткі вонкавага паўразбуранага вала. У звестках 1873 г. адзначалася, што ўжо ў той час значная частка гарадзішча “да паловы размыта Друццю”.

У культурным пласце, магутнасцю 0,3 м, знойдзены фрагменты грубалепных сасудаў, з арнаментам па венчыку ў выглядзе насечак. Асобныя фрагменты маюць лёгкую штрыхоўку.

Помнік адкрыты ў 1873 г. У 1963 - 1964 помнік даследаваў Л.Д. Побаль. У 1993 г. помнік абследаваў В.Ф. Капыцін, у 2015, 2021 – Р.Д. Галынскі.