Адпраўлена!

Памылка!

Курганны могільнік перыяду ранняга сярэднявечча

Цiкавае

Змест

Звесткі аб каштоўнасці

Шыфр

513В000224

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Могiльнiкi, надмагiльныя рытуальныя збудаваннi

Месца знаходжання

Магілёўская вобласць, Быхаўскі раён, в. Дабужа

Датаванне

III ст. да н.э - III ст. н.э.

Апісанне

Гарадзішча ранняга жалезнага веку знаходзіцца на правым беразе р. Ухлясць за 1 км на ўсход ад пункта трыангуляцыі, за 4 км на паўднёвы ўсход ад в. Дабужа, у лесе, ва ўрочышчы Гарадзец.

Пляцоўка акруглай формы, умацавана двума кальцавымі валамі. З заходняга боку ўзведзены дадатковы серпападобны вал. Паміж валамі знаходзяцца два равы, глыбінёй да 2,5 м, шырынёй да 12–15 м. Гарадзішча адносіцца да гарадзішчаў-сховішчаў балотнага тыпу.

Пляцоўка, валы і схілы гарадзішча задзірнаваныя, параслі дрэвамі і хмызняком. У гады Вялікай Айчыннай вайны на гарадзішчы знаходзіліся партызанскія зямлянкі.

У шурфах выяўлены культурны пласт, які змяшчае фрагменты грубалепнай керамікі зарубінецкай культуры, камяні, шлакі, рэшткі вогнішчаў, косці буйной рагатай жывёлы і свіней.

Помнік адкрыў у 1924 г. А. Рынейскі. Абследаваў у 1926 - 1927 гг. І. А. Сербаў, у 1965 г. Л. Д. Побаль, у 1993 г. В. Ф. Капыцін. У 2015 г. абследаваў – Р.Д. Галынскі.