Курганны могільнік перыяду ранняга сярэднявечча

Курганны могільнік знаходзіцца на правым беразе безназоўнага ручая (левы прыток р.Варонінка), у 2 км на паўднёвы ўсход ад вёскі Перакладавічы, на поўнач ад вузкакалейнай чыгункі, у лесе, ва ўрочышчы Лісічэнкаў Луг.

Помнік налічвае 120 насыпаў паўсферычнай формы, акруглыя ў плане, вышынёй 0,3–2,5 м, дыяметрам 4–16 м. Курганы задзірнаваныя, параслі дрэвамі і дробным хмызняком. Вакол асновы 78 курганоў – ровікі. 52 насыпы парушаны скарбашукальніцкімі ямамі (на 1993 г., зараз – усе).

Могільнік абследаваў у 1962 г. Л. Д. Побаль, у 1974 г. – Я. Р. Рыер, у 1993 г. В. Ф. Капыцін, у 2015 і 2019 г. – Р. Д. Галынскі.