Адпраўлена!

Памылка!

Курганны могільнік перыяду ранняга сярэднявечча

Цiкавае

Змест

Звесткі аб каштоўнасці

Шыфр

513В000073

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Могiльнiкi, надмагiльныя рытуальныя збудаваннi

Месца знаходжання

Магілёўская вобласць, Бабруйскі раён, в. Бабіна 2-е, урочышча Курганне, за 1,5 км на ўсход ад в. Бабіна 2-е, у лесе, урочышча Курганне

Датаванне

X ст.

Апісанне

Курганны могільнік перыяду ранняга сярэднявечча размешчаны на ўсход ад в. Бабіна 2-е, ва ўрочышчы Курганне. Налічвае 48 насыпаў паўсферычнай формы, з іх сем з плоскай вяршыняй, акруглыя ў плане. У групе маецца адзін падоўжаны курган даўжынёй 12 м, шырынёй 7 м, вышынёй 1,1 м. У падножжах 7 насыпаў прасочваюцца раўкі з перамычкамі.

Курганы ў могільніку размешчаны ўздоўж дарогі ў в. Слабодка і арыентаваны па лініі з паўднёвага захаду на паўночны ўсход. Адлегласць паміж насыпамі - ад 1 да 24 м. Частка курганоў пашкоджаны скарбашукальніцкімі ямамі, барсучымі норамі і кар'ерам. Усе курганы задзернаваны, параслі дрэвамі і хмызняком.

У 2018 г. было правядзена абследаванне помніка, вывучаны архіўныя і бібліяграфічныя дадзеныя. У выніку даследвання высветлілася, што на месцы, дзе павінна знаходзіцца стаянка-1, стаянка-2, селішча-1 і селішча-2 перыяду ранняга сярэднявечча, на самой справе знаходзіцца курганны могільнік перыяду ранняга сярэднявечча.