Курганны могільнік перыяду ранняга сярэднявечча

Курганны насып каля вёскі Брожа з’яўляецца матэрыяльным археалагічным і духоўным помнікам. 

Помнік знаходзіцца за 0,8 км на паўднёвы захад ад пасёлка, за 0,4 км на паўднёвы захад ад дарогі Брожа-Макаравічы, за 0,8 км на захад ад чыгункі, у квартальнай просецы, у лесе.

Пры правядзенні абследавання помніка ў 2018 годзе і вывучэнні архіўных і бібліяграфічных дадзеных А. В. Вараненкам, высветлілася што на месцы, дзе павінен знаходзіцца комплекс археалагічных помнікаў - стаянка перыяду позняга палеаліту; стаянка перыяду неаліту і бронзавага веку; селішча перыяду ранняга жалезнага веку і ранняга сярэднявечча знаходзіцца адзіночны курган ранняга сярэднявечча.

Насып паўсферычнай формы, акруглы ў плане, вышынёй 1,5 м, дыяметрам у падножжа 7 м, задзернаваны, парос дрэвамі. 3 заходняга боку кургана выкапаны акоп часоў Вялікай Айчыннай вайны.