Адпраўлена!

Памылка!

Магiла А.С. Лукашэвiча

Цiкавае

Змест

Звесткі аб каштоўнасці

Шыфр

513Д000485

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Магілёўская вобласць, Круглянскі раён, в. Глыбокае

Датаванне

1943 г.

Апісанне

Магiла А.С. Лукашэвiча знаходзіцца ў цэнтры вёскі Глыбокае. У магіле пахаваны Герой Савецкага Саюза А.С. Лукашэвіч, які загінуў у баі супраць нямецка-фашысцкіх захопнікаў у лістападзе 1943 г.

З першых дзён акупацыі на тэрыторыі Круглянскага раёна разгарнулася партызанская барацьба ў тыле ворага. Першы партызанскі атрад на тэрыторыі раёна ўзнік у ліпені 1941 г. у ваколіцах вёсак Аладзінка і Баравуха. А.С. Лукашэвіч з'яўляўся сувязным, а потым партызанам гэтага атрада.

У час рэйкавай вайны А.С. Лукашэвіч адзін узарваў 29 рэек, знішчыў 28 тэлеграфных слупоў, пусціў пад адхон 9 варожых эшалонаў, двойчы сапсаваў лінію сувязі са стаўкай фашысцкага галоўнакамандавання.

13 лістапада 1943 г., выконваючы заданне камандавання, Аляксей Лукашэвіч з двумя сябрамі каля в. Зелянькова Круглянскага раёна трапілі ў засаду ворага. Нягледзячы на колькасную перавагу, адважная тройка ўступіла ў няроўны бой, у якім усе трое загінулі.

Указам Прэзідыўма Вярхоўнага Савета СССР ад 15 жніўня 1944 г. А. Лукашэвічу было прысвоена званне Героя Савецкага Саюза (пасмяротна). На магіле ў Глыбокім і на яго малой радзіме ўстаноўлены помнікі.

У 1967 г. на магіле ўстаноўлена стэла з барэльефам А.С. Лукашэвіча, у 2015 г. праведзена замена стэлы помнікам з выявай А.С. Лукашэвіча. У верхнім правым куце пліты знаходзіцца выява Зоркі Героя Савецкага Саюза.