Магіла ахвяр фашызму

Помнік Вялікай Айчыннай вайны - магіла ахвяр фашызму знаходзіцца на грамадзянскіх могілках г.п. Лоеў, якія размешчаны на вул. Камсамольскай. У магіле пахаваны 24 мірныя жыхары г.п. Лоеў, расстраляныя фашыстамі ў 1943 годзе. Перазахаванне загінуўшых адбылося ў 1958 г. У 1967 г. на магіле ўстаноўлены абеліск і пліта з імёнамі загінуўшых. У 1990 г. захаванне было рэканструявана, устаноўлены новы помнік: на гранітных тумбах размешчаны 2 гранітныя пліты з тэкстам і выявай маці ў жалобе. Побач - гранітная пліта з імёнамі загінуўшых.