зваротная сувязь
Калі вы заўважылі недакладнасць, ці маеце пытанне - лістуйце:
Магіла ахвяр фашызму
Шыфр
113Д000713
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1943 г.
Апісанне
Магіла ахвяр фашызму знаходзіцца на паўночнай ускраіне вёскі Лескі. Тэрыторыя магілы (6,0 х 20,0 м) абнесена металічнай агароджай. У магіле пахаваны 216 мірных жыхароў, у тым ліку 18 дзяцей, якія загінулі падчас карнай акцыі 4 мая 1943 г. Вёска поўнасцю была знішчана. Усе 54 сядзібы спалены датла. Акупанты расправіліся з мірным насельніцтвам за сувязь з партызанамі.
Пасля вайны вёска Лескі адрадзілася. На родную зямлю вярнуліся тыя, хто быў гвалтоўна вывезены ў Германію.
У 1960 г. для ўшанавання памяці ахвяр фашызму на месцы расстрэлу мірных жыхароў быў усталяваны абеліск вышынёй 3,5 м (тыпавы праект). На пярэднім баку абеліска быў надпіс: “Вечная память гражданам д. Лески, зверски расстрелянным немецко-фашистскими оккупантами 4 мая 1943 г.", ніжэй была прымацавана мемарыяльная дошка са спісам пахаваныхў магіле.
Новы помнік на магіле ахвяр фашызму ўсталявалі ў вёсцы Лескі ў 1985 годзе.
Назва вёскі ўвекавечана на плітах Дзяржаўнага мемарыяльнага комплексу "Хатынь".
Сартаваць па