зваротная сувязь
Калі вы заўважылі недакладнасць, ці маеце пытанне - лістуйце:
Мазаіка "Кастрычнік"
Шыфр
712Ж000050
Катэгорыя каштоўнасці
Тып каштоўнасці
Месца знаходжання
Датаванне
1970 г. - 1980 г.
Апісанне
Мазаічныя кампазіцыя "Кастрычнік" на фасадзе будынка праектнага інстытута "Белдзіпрахарчпрама" на вул. Кальварыйскай (1975 г.) адзін з найбольш значных твораў манументальнага жывапісу аўтарства Аляксандра Міхайлавіча Кішчанкі. Мазаіка "Кастрычнік" размешчана на тарцовым фасадзе адміністрацыйнага будынка, які арыентаваны на плошчу. Выява характарызуецца моцна выражаным дыяганальным рухам, экспрэсіўнымі формамі, вастрынёй ракурсаў. На першым плане - дынамічныя фігуры рабочага і селяніна. Яны злучылі ў магутных выцягнутых руках серп і молат. Сюжэтны сцэнарый мазаікі пабудаваны свабодна і сумяшчае шэраг эпізодаў розначасовага дзеяння. У адно цэлае аб'яднаны дакументальныя падзеі і сімвалы, рэальныя выявы і алегорыі. Прымяніўшы прынцып кантраста, мастак размясціў побач буйныя і дробныя фігуры, статычныя і дынамічныя, моцна мадэліраваныя і плоскасныя. Уся кампазіцыя аб'яднана залаціста-чырвонай колеравай гамай.
Сартаваць па